當年今日
關於我們

【不再是楊小姐】《敗犬女王》與美籍男友登記結婚 楊謹華:我是陳太太

蘋果日報 2018/12/18 16:15

登記結婚楊謹華黃嘉千

因為台灣劇集《敗犬女王》而爆紅嘅41歲台灣女星楊謹華,喺16年同經營石油設備嘅美籍男友Ben拍拖,拍拖2年幾屢傳婚訊,不過楊謹華都否認,表示大家都想喺事業上再努力,暫時都未呢個計劃。
喺今年10月,楊謹華罕有咁喺fb貼出同男友慶祝生日嘅相,嗰陣佢話今年係一齊度過嘅第3個生日,希望對方嘅願望都能一一實現,甚至又好感性留言話:「謝謝你讓我相信愛情」、「有你真好」,似乎已經認定咗對方!喺兩星期前,楊謹華出席民視新戲開鏡嘅時候,已經預告會先登記結婚。
結果今日台灣《蘋果》見到楊謹華同男友Ben現身戶政事務所登記結婚,同場仲有楊謹華嘅經理人張詠明、媒人黃嘉千,相信佢哋係為一對新人擔任證婚人。據知Ben多次向女友求婚,直到近日終於求婚成功,今次佢哋低調註冊,未決定會唔會擺喜酒。
消息曝光後,楊謹華喺fb宣佈喜訊,佢話:「大家好!我是陳太太,不再是楊小姐,對於這新的身份我非常喜歡,也非常珍惜,從在一起的第一天到現在,我最期待的是每次見到你,你總是給我溫暖的笑容及滿滿的愛,在這1095天的日子裡,謝謝有你,愛讓我們相互扶持,相互照顧,相互成長,在未來的日子裏,我們要繼續糾纏一輩子哦~陳先生」

精選娛聞,喺晒《娛果》
http://fb.com/appledailyent
empty
(台灣《蘋果日報》圖片(左)、fb圖片(右))
empty
楊謹華今日喺fb宣佈喜訊!
empty
楊謹華話好鍾意陳太太呢個身份!(fb圖片)
empty
楊謹華同男友Gary今日現身戶政事務所。(台灣《蘋果日報》圖片)
empty
好開心喎!(台灣《蘋果日報》圖片)
empty
楊謹華由楊小姐變成陳太太!(台灣《蘋果日報》圖片)