華素爾咁講既係自譽速度驚人,又討吓中國球迷歡心,查實都一舉兩得;但佢如果讚老孫足球智慧高過人、走位意識值得學之類就無咁「礙耳」咯,起碼呢啲「優點」唔係人人睇得出嘛。
雖然老孫係咁多個外流華人中表現最好嗰個,但係你話曼城唔係為咗中國市場簽佢,我信你都唔信啦!曼城𠵱家去到上海,準備打兩場友誼波,第1場今晚就同主隊開波;6號就面對鹿島鹿角,啲波飛賣到32鎊(約450港元),自己之後返主場撼波圖嘅友賽都係賣15鎊1張(約220港元),預訂仲平3鎊㖭,你話上海之旅是咪似搵錢多過備戰啦!
「老孫呢鑊真係俾華素爾擺上枱啦,如果友賽時俾班申花仔狂放,唔單止冇面,連華素爾都要吐口水講多次!」