嫌七月十太單調，吸引力不足，搞到湧晒過深圳按摩桑拿的市民，政府必須用心留住。七月十，索性在政府總部門口砌一座不倒包山，由當勞和李永達兩個出山，看他們能否保持君子距離，展開手腳並爬搶奪戰。試想吓，假日中環幾時有咁熱鬧有睇頭，到時肯定迫過長洲，食肆眉開眼笑。遊客肯定鍾意政治包山化，睇到唔眨眼，以後無論補選或正選新特首，都搞一趟包山大賽，很快會成為新鮮風俗，這是香港這個國際城市才有的真人show，上海？Noway。雖然曾蔭權已經跟胡錦濤握了十一秒的手，大局已定，李永達只有陪跑的份兒，不過七月十，依然可以將台戲run得好睇些少。
最失策是公關不曉得搵無綫配合，《大長今》大結局當日播特首補選直播的話，一定可以將收視拉高，號稱三百萬市民熱烈支持出爐特首。七月十，不妨試吓重播大結局，五折計數，都有百五萬觀眾。讓新特首自我感覺勁hot，拍得住韓國泡菜。