荷李活動作巨星「The Rock」狄維莊遜 (Dwayne Johnson)殺到嚟香港！其新作《高凶浩劫》（Skyscraper）將於7月12號上映，故事以一座位於香港嘅摩天大樓作背景。因此戲中主要演員，包括狄維莊遜及「天王嫂」昆凌都將會於7月5至7日來港宣傳。香港為是次電影宣傳首站兼全球記者會地點，到時主角狄維莊遜、台灣「天王嫂」昆凌、於戲中飾演The Rock妻子嘅莉芙甘寶 (Neve Campbell) 、一對小童星挪亞哥特利 (Noah Cottrell)及麥克納羅拔絲(McKenna Roberts )、荷李活華裔演員文峰、新加坡演員黃經漢、導演羅遜馬素費巴(Rawson Marshall Thurber) 及兩位編劇包費林 (Beau Flynn) 、海雲加西亞(Hiram Garcia) 將遠道而來。

《高凶浩劫》台前幕後齊齊現身香港，除咗參加全球記者會，仲會出席紅地墊活動及粉絲見面會。大會更安排狄維莊遜於《高凶浩劫》粉絲特別放映會同來自世界各地嘅支持者近距離接觸。此外，於3日嘅訪港之旅中，狄維莊遜及其他演員還會於香港四圍出沒，與多個媒體拍攝特備節目，例如去到天際100觀景台欣賞維港景色及乘搭電車穿梭香港街道等，市民將有機會於香港街頭遇上The Rock！

精選娛聞，喺晒《娛果》
http://fb.com/appledailyent