曾參演《哪一天我們會飛》的演員李敏（Ranya）今天於石硤尾出席「藝術無彊界2019」藝術展覽開幕禮，展覽加入了對精神健康的關注元素。修讀視覺藝術的Ranya原來在大學畢業後曾經患上抑鬱焦慮症，最壞的情況曾經想過自殺，她說：「當時係大學畢業，冇書讀又冇嘢做，咁啱屋企搬屋，自己就留咗喺舊屋一個人住，諗好多嘢，情緒病唔會完全好番，一直喺心裏面，我會當呢個係經歷，面對有情緒時會識得點樣處理，我唔係一個樂天嘅人，經歷過之後，我有第二個想法，就係我唔追求快樂，諗一啲有意義嘅目標，面對所有事更加從容面對。」

曾經有過了結生命的念頭，Ranya謂最終因為對人生的執着，所以放棄，而入行後她遇到壓力也不怕，她說：「我有經歷，當察覺到自己有壓力就會搵方法幫自己，我唔同主流嘅價值觀，會用自己方法生活。」另外，Ranya除了拍戲，也愛做甜品，更會做自己喜歡做的事，發掘自己所長，而她透露即將當導遊帶團到俄羅斯，放眼世界。

-----------------------------
7月4日起 《蘋果動新聞》只限升級壹會員閱覽
繼續撐蘋果！