旗下擁有女團少女時代（少時）、SuperJunior、EXO等人氣組合嘅SM事務所（SM），日前網上流傳一份SM藝人今年出碟嘅時間表名單。

名單公開少時隊長泰妍會於下月推出個人專輯，另外又公開EXO將於今個月出新碟，到3月時會再出改版專輯，由於資料十分詳細，所以網民大都認為可相性非常高。

不過SM噚日已出面澄清，表示：「網上流傳嘅SM今年上半年歌手出碟嘅資料並唔係由公司內部流出。」並沒有直接否認傳聞，令一眾粉絲非常期待。

另外，少時噚晚喺上海開騷，成員又即席學講上海話大冧粉絲。