今時今日，你買乜炒乜都好，究竟用咩貨幣買就好關鍵。其實，只要你借到某種貨幣，跟住換做港幣，就算啲換番來嘅港幣唔郁得，只要你有另一嚿港幣，再之後又買港股，你用嘅財技就變相用嗰隻貨幣買港幣貨。呢啲就係老外投資圈中叫嘅fundingcurrency。

你可能問：「呢啲咁簡單嘅嘢點解要講呢？」因上個禮拜，孫柏文喺FaceBook分享咗2013年初叫大家「一注獨贏沽日圓」嘅文。一分享就引來唔少關於日圓跌勢嘅留言。連我喺2013年初搞嘅FaceBook群組「神風沽Yen隊」都忽然多咗人想加入。

不過眾多嘅日圓留言中，就有個叫MartinYan嘅人問：「又嚟？攪掂隻摩比（947）先啦，成日都一注」我見到就回：「摩比買緊啦。不過你揸咗日圓？」佢就咁好型一句話：「我唔炒外匯。」

本文為節錄，全文請留意明日蘋果日報投資版