荷李活套《變形金剛4》最近喺底特律搭建假香港景，九唔搭八惹人訕笑，除咗以為所有大廈都係中環大會堂外，再弊係啲店舖招牌用埋晒啲老土殘體字！其實變形金剛應該拉大隊嚟香港囉，因為佢哋可以拯救香港呀！　撰文：蘇芬妮

1.今次唔圍唐宅！CY嗰邊一樣有僭建。
2.深入東北，視察波叔塊田可唔可以愛嚟做停車場。
3.幫香港大球場翻土，咁就唔使請埋啲阿公阿嬸拎支叉篤篤吓啦！
4.見識吓香港班差人，起碼要知佢哋點樣低調執法。
5.有理由相信香港有唔少地下狂派分子。
6.可以報名參加Sam哥個PPP計劃，學飛呀！
7.幫手打擊殘體字，拯救大中華文化。
8.調查青關會同愛港力，估計吓佢哋威力勁啲，定狂派勁啲。
9.會合金剛。之唔係嗰位光頭、講廣東話唔正嘅藝員金剛囉！
10.佔中。