Donald Trump寫畀金仔封信，我覺得實在太好，不過，我估佢心入面嗰句，應該係咁樣，所以我寫咗佢「內心翻譯版」：（純粹虛構！純粹虛構！純粹虛構！）

金仔
親愛的主席：

我哋原定6月12號，喺新加坡搞嗰場峰會。我知，你一定好期待，諗住到時同我會握握手，飲吓酒，講吓Winnie the Pooh？哼！你諗吓好啦。

我聽到班細嘅話，呢場Show係你～金仔要求話搞，即係家陣係你～恨見我恨到發燒啦。所以咪搞錯，我！冇！話！過！想！見！你！

當然，我都係一個好易話為嘅人，你想見咪見吓囉。我唔係冇施捨過機會畀你，你知架？可惜，你實在太唔自愛啦。你最近個聲明算點呀，發我爛渣呀？三分顏色上大紅呀？OK，你玩嘢嘅我同你玩囉！

今次我寫呢封信，就係要同你講，「個峰會我唔Ｘ去啦！」你咪以為係我串呀？呢場峰會唔搞，你好、我好、大家都好，我怕大家見面反枱走人世界大戰就唔好啦！

講起我就扯火！你話你啲核彈好勁咩，我嗰啲勁過核爆添呀！你咪以為我唔敢㩒制呀！不自量力！

其實，我都唔係咁不近人情嘅，起碼我哋有一段時間，都尚算傾到兩句嘅。話唔定有一日，都會畀機會你一睹我嘅英姿，但睇心情啦。

係呀，我係陰你呀！我係等你放晒啲人質，先玩嘢唔去呀！你冇得怪我架喎！你呢個賤人，挾走我3個人做人質幾個月，我都未郁你呀！我家陣叫聲你「Chairman」已經畀足晒面你啦，哼！

最後，你想發返我脾氣，歡迎寫信或者Call我還拖，我唔怕你嘅！今次峰會取消，我都覺得好可惜，不過係你攞嚟嘅！You're fired！

Donald
美國總統

（講多次，以上純粹虛構！）

by千頌C@堆填區
http://fb.com/winbigwok