由本報娛樂名人版主辦的「偶像齊齊玩」活動，本周一找來Shine和fans於黃埔博藝會大鬥打羽毛球，今次參加的fans表現得十分熱情，但由於fans當中有些較喜歡成員黃又南，亦有較喜歡另一成員徐天佑的，導致他們分成兩黨，有fans笑說：「喺羽毛球場上一決高下！」

比賽前扮高手
當日Shine未到時，fans的情緒已甚高漲，女fans總嚷着往梳理，要給偶像留下一個好印象！比賽前fans分成「天佑隊」及「又南隊」對壘，每人都有機會與Shine兩位成員合作。
在比賽進行時，記者發現其中兩位男fansLookson及Tommy原來是羽毛球高手，他們更聯成一隊與Shine作正面交鋒。雖然Shine的球技普通，但比賽前，卻不停認叻說：「咁打就啱啦！」及「好！」等等，當比賽正式開始，fans都在場邊打氣，一見偶像落後時，他們便唱出Shine的成名作《祖與占》作鼓勵，Shine曾由四比十追至八比十，但在強弱懸殊的情況下，不敵兩位高手，最後以十比十五落敗。

「大家好似朋友」
賽後又南說：「呢排工作好忙，今次有機會可以做吓運動，又可以同fans接觸，都幾開心㗎！我自從喺中學之後都好耐冇打羽毛球，fans嘅球技好強，係猛人。今次大家好似朋友咁玩，好投入，感覺好好！」
而天佑則說：「以前就成日打羽毛球，已經係小學嘅時候啦，但到𠵱家水準都未退晒。今次感覺好輕鬆，都幾開心。」
採訪：羅慧敏、汪正文
攝影：林德雄