近兩次日賽，共有七匹剛造全場最快末段時間之馬匹打王牌上陣，結果交出兩勝三位佳績，上名率超過七成。

是日（23日）沙田日賽，又有六匹同類份子出賽，分別為頭場「明月昇輝」及「確威龍」、第五場「惜多福」、第九場「志在四方」，以及第十場「銀紙」及「小威人」。

其中，頭場五班草地1200米，何良馬房之「明月昇輝」前仗同程末段嚴重受困下仍追得接近，走勢已山雨欲來，上次亦是田草1200米，可惜彎位飛得太出，姍姍來遲屈居亞軍。

今日仍值得睇好，皆因大家必須留意「明月昇輝」上仗之後勁確實驚人，拉士衝21秒95，原來是近六季五班賽的最快末段締速。

今場有「萬事欣」及「自由旺」在陣，步速唔會慢，有利後上馬，改配蘇狄雄且排13檔之「明月昇輝」熱極有個譜，更值得重視。

-----------------------------
7月4日起 《蘋果動新聞》只限升級壹會員閱覽
繼續撐蘋果！
https://hk.adai.ly/e/iIRREmuwDX