梁詠琪和男友鄭伊健走在一起實不容易，慶幸是現在他們的關係已為人接受。問GiGi與伊健的感情如何，她簡潔地形容：「兩個字，穩定。」
最近GiGi的新歌《娛樂大家》其中一句歌詞「為明天事業尚未被受落，可誓不出嫁」，問GiGi是否真的一點都不恨嫁？GiGi坦言：「其實我好怕做人哋嘅負擔，怕結咗婚後會為另一半帶嚟壓力，所以我會先做好自己，令自己有獨立能力，先再去諗結婚，因為結咗婚就係兩個人嘅事，而且我哋都有共識，就係未係時候（結婚）囉，我哋都覺得工作上重有好多發展嘅空間。」GiGi在單親家庭長大，問這是否其中一個原因令她遲婚？她直言：「唔多唔少都會有嘅。」

作歌報答好友
而GiGi自言比較深閨，圈中的朋友大多是互相欣賞而認識，包括為其最新大碟寫歌的劉德華、梁漢文、林一峰、黃貫中和張敬軒等，GiGi說：「佢哋真係好好，一叫到就幫手，所以我諗我喺圈中人緣都唔錯，不過我會作番歌畀佢哋當係報答。」
GiGi透露楊采妮是其交心好友，她說：「可能我哋同一間公司，佢個人好單純，講嘢好直接同我一樣，唔會就住就住，所以我哋會約出嚟食飯講吓秘密，因為都知道大家唔會出賣大家。」