施念慈前晚接受網上節目《大娛樂家》嘅電話訪問，有傳佢同細佢10年嘅男友Alex（右）結婚，施念慈話：「要人哋肯娶先得，結婚由男仔講，離婚先由女仔講，但佢都好大機會。」問佢點解次次識嘅男友都細過佢，佢話年紀呢啲控制唔到。問佢有冇聯絡前夫陳鴻業，佢話：「所有前男友我都唔會聯絡，唔會做朋友，最多見面打招呼做點頭之交。」