下月出戰《全美一叮》準決賽 Celine同妹妹開心揀玩具
全美一叮Celine
現年9歲嘅「小巨肺」譚芷昀(Celine),今年6月參加美國才藝節目《全美一叮》(America's Got Talent),佢上周半準決賽成功過關打入下月準決賽,有傳準決賽於下月5日,但今日而傳準決賽於美國時間下月12日,即香港翌日早上8時。
21位打入準決賽嘅參賽者當中,大會將安排佢哋美國時間9月5日及12日對戰,並爭取10強席位,有指至今Celine至今仲未決定會唱邊首歌,《蘋果》記者今日聯絡Celine經理人蕭定一,佢話:「噚日先知改咗期。」
Celine本月14日由父母同妹妹Dion陪同出發美國洛杉磯參賽,其實出發日本來係開學日,但父親譚順生話為參賽同咗學校請假,譚順生臨入閘都話:「校長好支持,仲發email同我哋講話全校都支持。」譚順生又揚言自己壓力大過參賽嘅囡囡Celine:「其實我哋都當佢贏咗㗎啦,去到呢個地步已經係為華人爭光。」不過佢哋一家剛入閘,就畀機場保安形容佢「借個女上位嗰個」,對方即遭到炒魷後果。因為出賽日期延遲,Celine有機會會先返港備戰。Celine曾童言無忌大爆爸爸譚順生代為管理facebook,今日就update貼出一張Celine同妹妹Dion喺玩具店玩得好開心新相,Celine仲擘大口笑。