天主教香港教區榮休主教陳日君樞機再次獲頒國際人權獎項，今晚啟程往德國，接受德範受迫害基督徒基金會（Stephanus Foundation for Persecuted Christians）和國際人權協會（ISHR）共同頒發的人權獎，他指獎項並不屬於他個人，而是國內受苦的基督徒，「希望佢哋知道呢個世界係有好多人關心佢哋，宗教自由係人權，但係喺中國就無。」

陳日君周四晚啟程往德國波恩，他接受本報查詢時表示自己只是為國內的教徒領獎，「裡面啲人出唔到嚟，出到嚟都攞唔到獎。」

他指過往的得獎者均為了爭取宗教自由受過不少苦頭，相反他承受的不算甚麼，「我邊度受苦呀？我完全無受苦，我自首，佢都唔拉我啦。」被問到教會內外均有人攻擊他，「呢啲唔算，呢啲算咩啫，嗰陣教宗同我講，樞機（禮袍）身上嘅紅顏色係代表鮮血，代表我隨時準備好殉道，我話我無機會殉道呀，呢啲係人哋嘅血。」

陳日君指，去年底接獲該組織的邀請，到德國領取獎項，但他一直擔心中梵主教任命協議會在復活節期間簽署，對是否出行猶豫不決，「如果真係簽咗，我唔出得嚟講嘢㗎喇，我唔會公開反對教宗，宜家無簽到，咁我去歐洲講多兩句喇，希望多啲人關心囉。」

他指該協議令不少國內教友感到心傷，「希望佢哋知道呢個世界係有好多人關心佢哋，宗教自由係人權，但係喺中國就無。」他讚揚福建主教郭希錦有智慧，「雖然佢唔贊成（教會安排），但佢話佢會聽話，希望其他教區嘅人就算唔開心，都要服從，唔會造反。」

他相信關注協議的聲音越來越多，可能有一線轉機，「中國宜家都好論盡呀，連聖經都唔准賣，話要買佢哋嘅（中國官方），要自己從新譯過。」

獎金將用於國內受苦基督徒，但暫未想到具體如何處理，「唔可以講出嚟㗎，講咗出嚟佢哋咪惹麻煩！」

人權獎過往部分得獎者
得獎者/事蹟
伊拉克天主教巴比倫宗主教區宗主教類斯（Louis Rapael I Sako）／率先譴責伊斯蘭國（ISIS）壓迫基督徒
敘利亞東正教修女哈頓多甘（Hatune Dogan）／人稱新德蘭修女，曾親往受恐怖組織影響的地區服務的
安德肋兄弟 (Brother Andrew)／人稱「天主的使者（God's smuggler），專門運送聖經到鐵幕國家
巴基斯坦維權律師Aneeqa Anthony／在法庭代表被指焚燒古蘭經、結果被暴徒毆打並投入磚窯活活燒死的基督徒夫婦

註：由德範受迫害基督徒基金會（Stephanus Foundation for Persecuted Christians）和國際人權協會（ISHR）共同頒發

資料來源：互聯網