本屆最後一個立法年度展開，建制同泛民今屆一反常態，未有就立法會18個事務委員會正、副主席職位進行協調，實行全面開戰。各委員會今日中午截止報名，建制派明顯打算盡搶委員會正副主席，除咗實政圓桌田北辰同自由黨鍾國斌，每名建制至少加入多達12個委員會；至於泛民都不甘示弱，議會陣線朱凱廸就繼續加入晒全數18個委員會，實行同建制派鬥到盡。

立法會各個委員會今日中午截止報名，大部份建制派議員至少加入12個委員會，只有福利事務委員會，民主派人數有優勢，意味建制派會喺其他事務委員會，毫無威脅下當選主席。喺有爭議嘅委員會，包括保安、政制、教育等，建制派都至少有30人加入，似乎呢幾個中央最看重嘅範疇，建制派不容有失，否則點向阿爺交代？

議會陣線朱凱廸就同上年一樣，加入全數18個委員會；其次係人民力量陳志全，加入14個委員會；至於田北辰就係建制派議員之中，加入最少委員會嘅一人，只加入咗6個委員會。

民主派上年獲建制放行，喺教育、人力、福利，以及公務員及資助機構員工事務委員會4個委員會出任主席，不過建制今年似乎再次有權用到盡，連教育事務委員會，預料都要由建制派議員包攬。

-----------------------------
【撐學生】
召集有心人 撐學生全年睇《蘋果》
立即按此
-----------------------------
百日特刊記載香港人逆權之路
《逆權百日》
《自由之夏》
《Freedom Summer》（自由之夏 英文版）
-----------------------------
《囚牢之疆》 專頁
揭開集中營邪惡面紗
今日新疆 明日香港