【引渡惡法】學生再佔夏慤道 邵仲衡擔心衝突：諗深啲先回氣再上
蘋果日報 2019/06/21 13:00
王宗堯邵仲衡李美琪不合作運動
三大直播平台
特首林鄭月娥昨日無視民間與大專學界發出最後通牒，立刻處理四大訴求，結果民間與大專學界宣佈展開新一輪不合作運動，今早6時開始已有示威者在政總公民廣場前集結。
王宗堯無論6.9或6.16兩次遊行都有上街，他受訪時稱今早亦有到金鐘支持學生：「今朝冇帶啲咩嘢去，帶咗個人去睇吓乜嘢環境，主要聲援啲學生。由8點坐到11點，現場好熱好焗，大家會好辛苦，我同朋友溝通咗，睇吓有冇冰同飲品送落去，因為現場比較熱，有凍嘢飲較好。」王宗堯表示暫時離開了現場，下午會帶同物資返回集會。
邵仲衡雖然反對《逃犯條例》修訂，但面對連日示威都發生衝突，當他獲悉今早學生再在金鐘示威集會，顯得有點擔心，他回覆《蘋果》時說：「擔心中，我唔贊成學生仔再衝。」可有甚麼表達訴求建議，邵仲衡說：「經過兩次咁大型嘅集結同行動，再諗多啲諗深啲先，完善啲。回氣再上啦，大家都需要唞唞……再有傷亡大家都唔想見到嘛！」
「牛雜妹」李美琪都有低調參加一連兩周日反送中惡法遊行，她今日有留意金鐘集會情況，亦為現場學生打氣：「香港人，路不易走，但有很多人會一起走下去。加油！」
-----------------------------
你撐蘋果 我捐$1
支援反送中抗爭者
你撐蘋果 我捐$1
支援反送中抗爭者
邵仲衡希望學生經歷過兩次大遊行之後，休息一下並經深思之後再行動。
邵仲衡在6.16出post，叫大家千萬不要輕易受傷。
王宗堯今早到金鐘集會，下午會帶同物資返回。（IG圖片）
「牛雜妹」李美琪為香港人打氣。（IG圖片）