利物浦周日喺打吡戰主場畀愛華頓逼和1:1，領隊高路普賽後炮轟球證嘅執法水準，話對方根本唔應該畀12碼。英軍名宿舒利亞就睇唔過眼，仲話高路普講嘅嘢係垃圾，叫佢自己檢討下。

對於高路普嘅講法，舒利亞話:「呢啲係垃圾。賽前個個都知愛華頓會點打，佢哋一定會縮後防守。紅軍可以自由進攻，但最終佢哋攻唔入。我聽過高路普鬧球證，但睇下佢哋嘅陣容。呢場係大戰，古天奴之前先大演帽子戲法，但今場竟然做後備，而經驗不足嘅蘇蘭基亦有正選打。所以與其鬧球證，不如怪你自己，怪你啲球員點解防守咁笨拙!」

舒利亞講到咁肉緊，唔通佢係利記粉絲？

--------------------
球迷一定要知！英超一哥曼城，已經登陸​『BFB​』​！登入即送藍月球星： http://bit.ly/2AAiPDS