【入行大豐收】收入多咗冇時間享受 周柏豪:見到爸爸媽媽開心好滿足
姜皓文周柏豪
周柏豪同姜皓文噚晚喺紅磡出席活動,今年柏豪嘅工作忙過不停,問佢係咪大豐收,佢話:「係㗎,係入行以最好嘅一年,買咗樓又換咗車,雖然冇乜時間享受,但係見到爸爸媽媽好開心,成日周圍去,已經好滿足!」之不過可能佢哋想抱孫喎?柏豪就話:「媽咪好想,成日提我,反而爸爸就cool啲,總之乜都要努力,睇吓明年有冇機會。」
柏豪話o依家大個仔,踏入另一個階段,要多啲承擔,佢仲話希望可以攞唱片獎:「今年派咗2首歌,好開心出咗一張可以表達自己嘅新碟,明年會加把勁做歌,希望可以派到3首歌!」同場嘅黑仔姜皓文,身型仍然keep得好好,但係佢話:「其實肥番好多,尤其係塊面,要再努力啲,老婆成日叫我食多啲嘢,不過佢唔係好明,連餐廳啲老闆都知道,我食雲吞麵只可以用滾水淥,要對觀眾負責。」遲啲黑仔要去無錫開工,之後要去馬來西亞搞新屋裝修,希望明年可以入伙。
精選娛聞,喺晒《娛果》
http://fb.com/appledailyent