【武肺改名】黃秋生訕笑世衞無人理︰一係叫武漢19肺炎
蘋果日報 2020/03/12 13:17
黃秋生世衛何啟明武漢肺炎
（資料圖片）
無知很可怕，立法會功能組別勞工界議員何啟明前日在立法會上，聲討民主派議員堅持叫武漢肺炎是抹黑中國，接着一句令港人震怒：「唔通沙士要加返香港兩個字上去咩？」言下之意沙士是由香港「輸出」。目的顯而易見，想轉移視線方便日後大陸竄改歷史。其實早在他之前陸浩明在大台都有過「香港係嗰個病毒 (沙士) 嘅源頭」言論，引來網民聲討，最後要聲淚俱下道歉。事實2003年沙士最早在廣東省發現，之後由大陸教授劉劍倫為源頭傳入香港。
黃秋生昨日在FB發帖話世衞指鹿為馬，他發文話「武漢肺炎就武漢肺炎㗎啦，邊個理得你世衞改個乜嘢名啫？RHCDKOQM4687. 水記得咩？一係叫武漢19肺炎，制晤制吖？世衞而家都冇晒威信啦，冇乜人聽佢支笛啦。仲改個咁賊難記嘅名。想人唔好用武漢肺炎，除非香港腳唔叫香港腳，叫大陸腳。日本腦炎叫中國腦炎，西班牙流感叫強國流感，德國麻疹叫新中國麻疹。咁武漢肺炎就叫『全世界多得你唔少肺炎』。」
網民紛紛留言撐秋生「跟足世衞講嘅國家，全部仆直啦!武漢肺炎就武漢肺炎，點改都冇用!」、「再來一劑北京冇腦肺炎吧！」、「我覺叫 『全世界欠中國一個多謝肺炎』，又傳神又有紀念價值，中方應該唔會反對」。
秋生發言恥世衞改名多此一舉。（FB圖片）