若你問我相信中央電視台報道,香港單車隊總教練沈金康成為中國單車代表隊的教練是真的,還是相信香港單車代表隊其後否認該報道才是真的。我會答,很罕有地,我人生第一次相信內地官方傳媒的話。
為甚麼?因為那個是中國官方電視台,幾乎每一句要播出街的說話都經過求證核實;你以為睇緊嘅係亞視報道江澤民死訊?咁大一宗新聞不用經過證實就播出街,你以為自己係邊個機構?國務院定新華社,正常應該係國務院證實,新華社發放消息才是。而且牽涉到國家隊,都算係國家機密啩?點可以隨便冇buildup?
再者,睇番香港呢邊嘅反應,洪松蔭話係「幫吓手寫program」,幫吓手?乜沈金康好得閒咩?人人都話要備戰明年倫敦奧運,佢仲有時間「秘撈」,如果香港單車隊喺倫奧嘅表現強差人意,遭受批評,大罵他自己檔攤都搞唔掂,仲咁多管閒事,佢擔唔擔當得起呢?即使沈金康只係「幫吓手」,但佢貴為體院僱員,年薪逾120萬,出去秘撈有冇事先申請呢?