大英冇事返去見自己隊友，佢下屬金起范亦都激動喊起來。明珠將大英嘅軍牌畀返大英，之後就為佢剃鬚，明珠同佢訴說相思之情。明珠之後就問佢同時鎮到底發生乜事，大英話爆炸前佢哋被人捉咗進防空洞，度過了150至155天，而被北韓軍人安正俊（池承炫飾）救返。

而暮煙亦為時鎮處理傷口，暮煙話一直很懷念時鎮，仲主動抱抱時鎮，令時鎮大叫好痛。而暮煙因為係時鎮忌日就準備咗好多祭品畀時鎮，時鎮趁機食埋一份，好鬼搞笑。

暮煙同韓國嘅醫生同事用視像通話，點知佢哋一見到時鎮就以為見到鬼，仲見到時鎮食緊啲祭品，即時以為時鎮顯靈，認真笑爆咀。而李治勳(溫流飾)仲再次打電話畀暮煙，話畀佢知時鎮就喺暮煙在身邊，其他人都嚇到傻咗。