《蘋果》邀請市民評價政府的抗疫表現,最理想10分最差0分,兩名黃小姐聞言反問:「有冇負分畀呀?」黃小姐指,政府本來可以封關堵截源頭,卻擠牙膏式逐個封,終令社區出現爆發。另一名黃小姐認為本港確診數字偏低「好明顯就係香港人識得戴口罩」,又指政府買不到口罩十分可笑,「點解其他人又買到呢?佢解釋唔到。唔係市民自己搵到口罩,我諗感染數字會更高。」
向親友「搭單」買口罩的何先生同樣評政府抗疫表現0分:「最緊要係畀足口罩啲市民用囉,好難買。」居港台灣人陳小姐坦言台灣人在這場疫症中很幸福,「台灣政府在防疫方面有8分,至少懂得封關,香港就不懂了。」黃先生則認為「係咪因為佢(政府)帶領引致依家嘅結果呢?我有保留。」他把僅餘的3、4分送給衞生防護中心傳染病處主任張竹君及團隊,認為當局每日公佈疫症消息,提高透明度,對整體防疫也十分重要。
予政府表現9分的馮先生則認為,對比意大利,香港疫情「依家冇問題啦!」他指政府和醫護都做了很多工夫,「具體(措施)你睇報紙囉」,也認為政府派了很多錢有幫助,「一人有一萬蚊啦,好夠啦! (到手未呀?)一定唔會爭我哋。」另一名女士也讚揚政府抗疫有8分,指控制疫情上睇到成績,但提到具體措施則指「你睇番政府個報告啦吓。」
記者 袁楚雙
-----------------------------
【武漢肺炎】專頁 全民自救 抗疫資訊盡在《蘋果》
-----------------------------
無懼警暴 學懂自救
《抗暴之戰●法例須知》
讀果 上架