由英國男星安德魯加菲（AndrewGarfield）主演嘅新片《蜘蛛俠2：決戰電魔》（TheAmazingSpider-Man2）喺倫敦舉行首映，同場仲有一身露背黃裙搶晒鏡嘅同片女友愛瑪史東（EmmaStone），佢哋兩個行地毯不斷整蠱做怪冇厘正經，愛瑪扮鬼臉、安德魯就對住鏡頭咬筆。

佢兩個原來仲請咗大班老友，笠着蜘蛛俠頭套行地毯幫佢哋造勢，成班女士、西裝友同細路仔笠住蜘蛛俠頭套但着晒suit，十分搞笑。安德魯仲用鉸剪腳箝實其中一個朋友，唔知係咪玩得太攰，安德魯事後成個人瞓咗係紅地毯上面休息，索晒氣。