東驥基金管理董事總經理龐寶林表示，港股本周走勢要視乎本地及外圍因素，但強調貿談是主宰後市的重大因素。他料，雙方傾到「埋牙」前有機會「反枱」，「行百里者半九十，差10%係最難傾嗰度；睇吓有無好消息。」他稱，美國減息預期升溫或稍支持大市，若A股開局造好，中資股會有好表現，預料恒指在25600有支持，上望則是26300點，「但若貿談有不利消息，最差或見24000水平。」
豐盛金融資產管理董事黃國英亦表示，港股大趨勢都是「陰乾」，投資者要關注外圍環境會否惡化，「美股、A股是旦一樣差，港股都死」。本地概念股上周顯著回調，但他提醒一般人「唔好扮勁」買本地股，「即使本地公司好平，但下行趨勢好明顯」。
內地股市及北水將於今日復市。