利物浦前鋒丹尼艾格斯星期日喺紅軍U23贏曼城嘅預備組聯賽復出，不過佢喺上半場已經要換出，球會方面就話換出艾格斯只係為咗安全起見。

艾格斯喺呢場比賽幾次受到嚴峻挑戰，有次甚至撞埋場邊廣告板度，到咗32分鐘佢示意唔可以繼續，不過佢換出之後並冇即時接受治理，相信傷勢唔會太嚴重。利物浦方面亦話換出艾格斯只係謹慎嘅做法，U23主帥Neil Critchley話「我哋會照頺同評估艾斯嘅狀況，但肯定佢會冇事。」

現年25歲嘅艾格斯2015年加盟利物浦，但過去兩年因為兩次嚴重膝傷而錯過咗大部分比賽。艾格斯2015年喺高路普上任第一個星期嘅操練中受傷，左膝前十字韌帶撕裂，上季佢曾經復出比賽，但喺對熱刺嘅英格蘭聯賽盃又輪到右膝重創而提早收咧。