【翻身有望】香里奈床照風波後復出做重病新娘
蘋果日報 2015/08/24 06:00
蘋果床照即時日劇香里奈Friday婚禮之前的日子
日本女星香里奈喺床照風波後終於有劇拍。- 喺新劇入面，香里奈飾演一個患有腦腫瘤嘅新娘。
- 31歲嘅香里奈翻唔翻到身都要睇呢鋪。
- 做香里奈未婚夫嘅係上位男星鈴木亮平。
- 香里奈俾雜誌登咗呢張床照之後，形象破產工作大減。
日本女星香里奈上年被雜誌《FRIDAY》刊出一張疑似醉酒後熟睡床照，雖然有着住衫，但係因為擘大大髀露出T-back內褲，所以十分之不雅，旁邊仲有佢個台灣籍男友瞓喺度。該張照片被刊登之後，香里奈形象跌至谷底，工作更加係大減，除咗間中喺時裝騷出現一下之外，工作近乎零。
但係經過咗差不多年半時間，香里奈終於有劇拍，仲做主角㖭。喺TBS電視台新劇《婚禮之前的日子》當中，香里奈做一個即將嫁人嘅OL，不過，喺婚禮舉行前100日，佢發現生腦腫瘤，而佢個角色係擁有大無畏精神，生腦腫瘤都當冇事，仲同一早走咗佬，但突然出現嘅阿媽頂嘴㖭，做佢未婚夫嘅就係近來越嚟越紅嘅鈴木亮平。香里奈今次係4年來首次擔正做主角，翻唔翻到身真係靠呢一鋪，呢套劇集將會喺10月播出。
但係經過咗差不多年半時間，香里奈終於有劇拍，仲做主角㖭。喺TBS電視台新劇《婚禮之前的日子》當中，香里奈做一個即將嫁人嘅OL，不過，喺婚禮舉行前100日，佢發現生腦腫瘤，而佢個角色係擁有大無畏精神，生腦腫瘤都當冇事，仲同一早走咗佬，但突然出現嘅阿媽頂嘴㖭，做佢未婚夫嘅就係近來越嚟越紅嘅鈴木亮平。香里奈今次係4年來首次擔正做主角，翻唔翻到身真係靠呢一鋪，呢套劇集將會喺10月播出。