還記得20年前經典劇《還珠格格》嘛？呢部劇捧紅咗趙薇、林心如、范冰冰，而在《還珠格格2》裏面有一個楚楚可憐嘅小女孩「小鴿子」，劇中嘅「小鴿子」在街頭賣藝為生，結果被扮演「小燕子」嘅趙薇相救，當年扮演「小鴿子」嘅童星胡雅斯，現在已經31歲，網爆佢在今年10月剃度出家，法號宏行。

在北京出生嘅胡雅斯，6歲拍首部劇集《長天烽火》，12歲憑《還珠格格2》成為受歡迎童星，翌年拍完《青河絕戀》後跟家人移民新加坡，入讀當地「南洋初院」，後來成功考取新加坡嘅大學，但佢選擇去德國漢堡國際音樂學院，主修鋼琴，碩士畢業後返新加坡做鋼琴老師，曾被問到有冇興趣再演戲？佢表示：「現在只是想單純實現自己的夢想，並沒有想回演藝圈的想法。」

幾年前胡雅斯長大後嘅相片在網上瘋傳，長髮披肩樣子清純，笑起嚟同劉詩詩有啲撞樣，不過，今日網爆胡雅斯原來已剃度出家，着紅色道服嘅佢雙手合十，有網民驚訝留言：「她經歷了甚麼？」、「看破紅塵」。

精選娛聞，喺晒《娛果》
http://fb.com/appledailyent