韓國女團TWICE台灣成員周子瑜，近日因被指支持台獨而遭內地網民圍剿，而子瑜所屬嘅JYP更遭內地網民抵制，於微博上留言要趕走JYP旗下藝人。隨GOT7嘅香港成員Jackson（王嘉爾）被取消演出內地綜藝節目《天天向上》後，原定今日現身武漢嘅男團2PM成員Nichkhun，今日亦突然取消於當地舉行嘅見面會。

今日，JYP於官方微博宣佈Nichkhun取消於武漢舉行嘅見面會：「親愛的粉絲朋友們：武漢奧芙利餐飲管理有限公司取消原定於1月15日舉行的尼坤（Nichkhun）見面活動，造成不便，望大家諒解！」