上個月尾形容自己私隱被侵犯，猶如被強姦嘅查理絲泰朗，畀網友插爆白癡兼冇taste，不過就冇影響佢嘅心情，噚日仲有閒情去買yogurto添！

店員就爆佢畀錢嗰陣，搵嚟搵去，成身一個仙都冇！搞到連3個幾美金都畀唔起！惟有尷尬咁同店員講，轉頭先返去找數。本身個店員都打定輸數，諗住要自己畀嗰3個幾出嚟o架嘞！點知個零鐘之後，查理絲泰朗又真係返轉頭！向個店員道謝不特止，仲拎咗張100蚊美金出嚟，示意唔使找喎！足足畀咗成96個幾美金做tips呀！

唔知呢單「找數真女子」事件，可唔可以幫查理絲泰朗挽回啲分數呢？！