陶君行說：「佢哋封殺傳媒、臭屎密冚嘅做法已經係司空見慣；但今次咁做只會更加無私顯見私，反映佢哋好驚負面嘅嘢會被揭發。」陶又批評內地近年除加劇打壓異見人士，也逐步收緊新聞自由。
立法會世博團選擇在社民連三子缺席下舉行，早被認定有篩選之意，再加上有本港傳媒未獲准隨團採訪，陶君行認為泛民主派成員到訪世博已失卻意義，應考慮是否杯葛，「家泛民主派去到都只會陪中央政府做花瓶，顯示所謂和諧氣氛，但香港市民最關心嘅民主問題根本處理唔到……何況家中共衝擊緊香港嘅新聞自由，民主派仲同佢哋打恭作揖，唔止係對香港市民，亦都對新聞媒體唔公道。」
身兼五區公投運動總發言人的公民黨黨魁余若薇也指事件可喚醒市民「擦亮眼睛」，「等大家睇到好多嘢已經唔係信唔信任中央政府嘅問題，而係大家都會睇到佢哋喺行為上，對於人嘅基本尊嚴都唔尊重。」她認為事件正好反映公投運動有意義，「好多嘢要靠自己爭取，例如推動五區公投運動，總好過被動咁等佢嚟溝通。」