當年今日
關於我們

【短片】少女加加的心事

蘋果日報 2013/12/28 06:00

史佩加好加加

馬圈以男性為主導,但其實近年出現唔少女馬主。而且好多仲好靚女㖭,表表者當然係「一寶」嘅李嘉欣,「霸王小子」馬主蔡加怡亦出名省鏡,佢就係玩具大王蔡志明個女。仲有一位怕醜少女加加,養咗匹「好加加」,講多啲佢嘅資料,佢真名叫史佩加,父親史立德隻名駒「好先生」贏過2010年遮打盃,馬迷應該耳熟能詳。
加加平日好鍾意唱歌,曾經同Cool魔張智霖合唱,搞到加加個心撲撲咁跳。加加有件心事,就係好想「好加加」打開勝利之門。其實唔少馬主贏完馬搞慶功宴,都鍾意請埋歌手朋友到場獻唱。如果「好加加」贏馬,唔知加加同cool魔有冇機會再走埋一齊呢?講番「好加加」都算犀利,前仗騎師差啲墮馬,修正後都追番個第二。而上次呢匹馬又搶口又脫口,依然追得近,擺到明質素高。今次「好加加」操足再戰,負磅又唔重,肯定有良機啦。睇嚟加加想贏馬呢件心事,應該可以實現。