當年今日
關於我們

【相差27年】福山雅治壁咚藤原櫻新劇第二集收9.1%

蘋果日報 2016/04/19 06:00

福山雅治床戲日劇水野美紀夏帆菅田將暉LoveSong藤原櫻小泉麻耶

現年47歲嘅福山雅治去年閃婚娶女星吹石一惠為妻,終於告別黃老五生涯,可惜亦因為已婚已趕走部份女性擁躉。福山雅治婚後擔正嘅富士電視台新劇《LoveSong》,今次一改以往男神形象,從未拍過床戲嘅福山第一集就同GCup女星小泉麻耶喺床上有對手戲,仲同年僅20歲嘅同門小師妹藤原櫻大玩純愛情節。

福山同藤原櫻年紀相差27年,噚晚播出嘅第二集,兩位主角嘅感情大躍進,福山從谷底拯救患有口吃缺憾嘅藤原櫻,感情亦一切從音樂開始,當中一場搭火車場面,47歲嘅福山向20歲嘅櫻妹擺出壁咚甫士,俾着係其他中年男人可能有唔同效果,仲隨時被鬧似個痴漢,靚佬果然有着數。不過呢集收視唔見有起色,錄得9.1%平均收視。