當日的面試安排與過程，卻令他質疑有「造假」之嫌。被安排在遴選首天早上到舊政府總部候任特首辦面試的他憶述，事前候任辦職員千叮萬囑他一定要循雪廠街入口進入大樓，並稱最好不要改期，他依時赴會，沒料到埗時已有大批傳媒守候，嘆指：「咁樣令到我哋有好大壓力，冇人知得唔得？咁樣去遴選，好似將大家放上枱，唔太尊重應徵者，成個遴選，有好多要改善嘅地方。」
面試過程更令他如夢初醒，「我一入到去就發現，自己入錯營，唔屬於佢哋嘅香港營」。他指有此感覺是基於當時向他進行面試的人，如盧高靜芝及陳振彬等，未見積極向他提問，「梁振英都一直低頭，冇乜點理我」。步出會議室後，他即時得一個結論：「我感覺到無論自己幾咁努力，都係冇用」，暗示梁班子由始至終不會選擇他做副局長，似乎只借他營造廣納非梁營人士的煙幕，黃以謙昨形容當日安排「係有少少戲劇性，鏡頭之下，唔知係咪有人監製緊」。
黃以謙坦言，有可靠消息指他不會中選，因此決意參加九龍西直選，改循另一個平台繼續踏上政途。現為九龍城區議員的他承認，「我係未必一定贏到，但肯定唔會只得千幾票咁少」，有信心爭取中產支持，更笑指不排除狙擊梁美芬，「會問佢支唔支持2016年立法會全面直選」。