由朴海鎮、金高恩、徐康俊等主演嘅tvN人氣劇《奶酪陷阱》，雖然今個周一同周二停播兩集，搞到粉絲因為冇得追劇好失望，不過過埋呢個周末，粉絲又可以回復正常追劇。

而噚日韓國方面就繼續有《奶酪陷阱》嘅消息，男主角朴海鎮再度發揮暖男本性，為劇組準備餐車。據知上月《奶酪陷阱》嘅工作人員同朴海鎮一齊拍攝咗7-11嘅廣告。為咗向工作人員表達感謝，朴海鎮就大手筆請大家食韓牛，認真誠意十足。

事實上，喺《奶酪陷阱》煞科當日，朴海鎮已為劇組準備咗餐車，大擦蔘雞湯、炸雞、年糕、小菜等美食，當日朴海鎮仲特別準備咗印有劇中經典台詞「要跟我吃飯嗎」字樣嘅橫幅及「劉正三角飯團」，朴海鎮話：「導演同工作人員們才是《奶酪陷阱》真正嘅主角。」

另外，有份主演《奶酪陷阱》嘅徐康俊同樣人氣急升，佢亦都被邀請到新加坡Suntec國際會展中心舉行粉絲見面會，由於《奶酪陷阱》今個月喺新加坡VVDramach855頻道首播，受到當地粉絲追捧，徐康俊亦因而知名度大增，所以即被邀請到當地與粉絲近距離接觸。屆時徐康俊會同粉絲作互動，仲會舉行記招。徐康俊方面就話：「《奶酪陷阱》不僅喺韓國，在國外市場亦都受到熱捧。徐康俊通過劇中所飾演嘅白仁浩展現咗多重魅力，成功贏取海外女性粉絲們嘅芳心，我哋亦都期待佢能夠為韓流文化增添一份力量。除新加坡外，我哋仲收到內地、日本、泰國等亞洲其他國家發來嘅活動邀請。目前，內地同日本方面也已基本談妥。電視劇劇終之後，徐康俊亦將繼續海外行程，預計將十分繁忙。」