韓國「馬舞女」泫雅早前度過26歲生日，今日佢就從首爾仁川機場出發去越南參加活動，佢喺韓國出發時衣着都幾性感，着上低胸上衣，露纖腰之餘又露背，十分養眼。

而泫雅抵達越南時，就獲過百粉絲接機，由於有太多人，所以現場都有保安保護住泫雅，泫雅自己都好小心，全程以手遮住胸前，以防走光同埋被抽水。

另外，同樣都會出席活動嘅五人男團Highligh，成員尹斗俊因為曾申請延遲入伍，而近日兵役法對延期入伍嘅對象加強出入國嘅審查標準，所以為免影響出入國，尹斗俊就缺席海外活動，今日下午舉行嘅記者會就唔見佢現身，只得其餘四位成員出席。

更多韓流，喺晒《娛果》
http://fb.com/appledailyent