當年今日
關於我們

談富豪性史非常雀躍
何鴻燊:鹹濕可以醫風濕!

蘋果日報 2002/03/13 00:00


羅兆輝日前爆富豪和女星的性史,鬧得滿城風雨,賭王前晚出席灣仔君悅酒店一個活動時,「雀躍地」大談羅兆輝口中另一個富豪的秘聞,還發表「鹹濕可治風濕」的理論。
由協康會主辦的「第十一屆全港名廚精英大滙演」,前晚於灣仔君悅酒店舉行。大會邀請特首夫人董趙洪娉出席主持,而城中名人包括何鴻燊與二姨太藍瓊纓、郭炳湘夫人、陳方安生胞弟方曼生等均有到場品嘗美食。

邊講邊笑甚興奮
賭王何鴻燊、二姨太藍瓊纓、兒子何猷龍及女兒何超蕸前晚亦有出席。賭王除即席試食外,更笑談有關羅兆輝爆富豪性史的報道,賭王談及這些富豪性史時,顯得非常雀躍,還發表「鹹濕可治風濕」的理論,妙趣橫生,以下是賭王談富豪性史的內容:
記:記者 何:何鴻燊
記:有報道指富豪打針催谷噃?
何(狂笑):需唔需要呀!我冇聽過,咁水皮。
記:報道指係你啲老友。
何:唔係嘛,咁丟架!
記者告知何鴻燊報道中暗喻的某富豪,賭王聞言反應甚大說:「嘩,唔好嚇我!佢幾多歲呀?(記者即告之賭王)哦,佢有好多girlfriend(女朋友)!」
記:有否教他「有心有力」的心得呢?
何(開懷地笑):呢啲搵女人教啦!佢啲girlfriend好後生,級數好犀利,全部十九至二十一歲!

首次聽「起雙飛」
記:報道更指他愛「起雙飛」。
何(眉飛色舞):咁犀利!今晚我第一次聽。
記:報道亦說他不愛用安全套。
何(亢奮地說):唔好笑死我啦!
記:會否向他求證?
何:唔會。我會教佢兩道板斧。我同你哋講,一個人想風濕好番,鹹濕啲就得,我會教佢!
記:賭王有風濕嗎?
何(自豪地說):我一滴都冇!
採訪:林妙萍、顏英儀
攝影:黃文成