韓流一姐崔智友上年同黃金拍檔權相佑合作演出韓劇《誘惑》，雖然收視麻麻，不過友姐似乎未有灰心，加上年初演出tvN綜藝節目《花樣爺爺》第三季「希臘篇」時成功力挽人氣，佢就決定再次挑戰拍劇，而且今次仲係拍tvN新劇《第二個二十歲》。

今日，tvN相關人士透露：「崔智友將演出《第二個二十歲》，於劇中飾演享受校園生活嘅有夫之婦。」

而友姐所屬嘅YG事務所亦承認消息，表示現時40歲嘅友姐，將於劇中飾演一名於大學讀書嘅中年女人，新劇預計8月首播。