許靖韻(Angela)又稱「小背心」，今日到商台錄音宣傳，天氣漸冷，小背心要暫別公眾，以長袖衫示人，許靖韻自從有了第二身份，再多了個花名叫許背心，實行真人同花名融會。

許靖韻現時一拖二身份，自己真正粉絲專業被小背心搶盡風頭，短短半年人數多出一半節節上升，許靖韻喊：「我好妒忌佢。」為咗呢個身份，許靖韻話：「咁耐以嚟試過著唔同款式、顏色背心，屋企已有近六十件，但依家好難再搵，要返公司偷，又嘗試搵贊助。」佢話會保持住小背心身份開live同觀眾互動，有時都會精神分裂，因為網民心水好清，一眼分得出兩個身份衣著打扮。今年小背心身份帶俾許靖韻另一個大收獲係會出席所有樂壇頒獎禮，以前許靖韻做歌手都未感受到滋味，所以希望未來可以用小背心身份派歌。