人妻Angelababy婚後繼續吸金，噚日佢着住黑色短裙亮，喺上海出席某商場嘅朱古力活動，身為代言人嘅Baby喺台上不停擺甫士畀大家影相，又嘟嘴又賣萌，真係好稱職。

活動結束後，原本Baby仲有下一場，佢換純色絨毛外套，轉場為Coach上海香港廣場店嘅開業剪綵，Baby喺店內繼續擺甫士俾記者影相。雖然連踩兩場，但Baby似乎非常享受工作，曉明大哥唔使心痛啦！