【逝世17周年】露雲娜含淚憶當年情 爆張國榮最鍾意食鹹蛋
蘋果日報 2020/03/29 18:05
張國榮露雲娜悼念歐信希
4月1日是一代巨星張國榮（哥哥）逝世17周年，由於受到武漢肺炎疫情影響，今年所有公開悼念活動均告取消。哥哥的歌迷及友好均以不同的方式去懷念他，曾經和哥哥合作無間的露雲娜，還有曾參加模倣張國榮大賽的新城電台DJ歐信希，日前在訪談中細訴和哥哥的「當年情」。
露雲娜當年與哥哥在片場度過不少歲月，曾一度被工作人員誤會兩人拍拖，她說：「Leslie好喜歡同女仔講心事，我同佢同期出道又成日合作，所以亦係佢嘅傾訴對象，後嚟我仲做咗佢嘅牌友，收工就去佢屋企打牌，由朝見到晚都唔厭。佢好關心朋友，見到我哋喺片場捱通宵好攰，就會講笑話O氹大家開心，有佢喺度就唔會有冷場。」她更大爆哥哥最愛吃鹹蛋：「每次食飯盒，佢一定望實我嗰半隻咸蛋，我就會自動奉上。」
問到最想對天上的哥哥說甚麼話?露雲娜話未說出口，已經眼泛淚光：「Leslie你好嘛!我好掛住你，好掛住我哋以前相處嘅日子，一齊去買衫、打牌、睇戲...最後我想同你講...我感覺到你而家好開心，有平安喜樂，每逢望到啲靚嘢就諗起你，Leslie I miss you,love you always,you are a good friend.」最後她送上一個飛吻給在天上的哥哥。
此外，歐信希早前在節目《傾心相聚》中以live形式演唱哥哥的歌曲，向偶像致敬，他表示學生年代會儲錢，購買任何有關哥哥的相、雜誌、唱片等：「喺我收藏入面，最珍貴應該係1985年出嘅《為妳鍾情》珍珠白膠唱片，係香港第一張白版膠碟，跟住係86年《STAND UP》4色（黑紫黃綠）我都擁有，因為每間唱片店賣唔同顏色，搵咗好咗至集齊，仲有每張專輯嘅卡式帶，到而家我都保存得好好。」
露雲娜當年曾被人誤會和張國榮拍拖。
歐信希是哥哥的超級fans。