何佩瑜（Jeana)今日谷胸現身佐敦，為一間醫學美容公司剪綵。佢再為醫學美容做代言人，不過就冇被要求再隆胸同整容，仲話唔會再整：「我好滿意自己現狀，我覺得一個人最緊要有character，唔好過火。我依家想漂牙，因為一日飲三杯咖啡，同埋想脫毛，比堅尼位嗰度。」

因為情傷而消瘦嘅Jeana被問到感情生活嗰陣，佢欲言又止，而被問同柏文嘅關係，佢就話：「好好朋友。」但係佢哋仲住埋同一間屋，認真搞鬼。