日本女星泉里香曾於真人版日劇《美少女戰士》中飾演水野亞美，下個月佢就滿29歲，今日當地傳媒踢爆泉里香已名花有主，男友正係26歲前日本國腳谷口彰悟，發現兩人發展姐弟戀已經兩年。

據消息指，泉里香是在友人介紹下認識谷口彰悟，於2015年夏天後開始正式拍拖，更被人目擊過於海外享受二人世界。對於地下情報道，泉里香所屬事務所嘅發言人未有否認，表示唔會干預藝人嘅私生活。泉里香近年轉行性感以D Cup上圍吸納男粉絲，不過佢曾被翻炒舊照，發現佢無論身材樣貌都起咗好大變化，繼而惹來整容及隆胸疑雲。