韓國男團BTS（防彈少年團）日前推出回歸專輯《LOVE YOURSELF 承 "Her'》，繼《DNA》MV點擊公開8小時後就破千萬點擊後，根據英國Official Charts嘅數據顯示，BTS新專輯成功進佔最新一周嘅專輯榜第14位，《DNA》亦進佔歌曲榜第90位。

BTS再次打破自己紀錄，之前佢哋憑專輯《WINGS》打入第62位成績，今次新專輯升咗成48位，除咗打破自己紀錄外，佢哋亦刷新韓國歌手喺呢個專輯榜嘅紀錄。英國Official Charts等同美國Billboard，喺世界歌榜擁有重要位置。
另外，BTS新專輯亦分別打入歐洲各國嘅專輯榜。