當年今日

鄭嘉穎靠Keroro搶黎姿風頭

蘋果日報 2006/09/04 00:00


黎姿、鄭嘉穎昨日在將軍澳電視廣播城拍攝無綫新劇《寫意人生》,在劇中飾演漫畫家的黎姿,跟扮演她男友的鄭嘉穎手拖手出席簽名會時,受到很多小朋友歡迎。
由於該劇有不少小演員參與演出,故黎姿及鄭嘉穎要經常跟他們同場做戲,在未埋位時,大批小朋友爭相跟他們合照,其間一名小朋友更在鄭嘉穎面前,又唱又跳演繹其兒歌得獎金曲《Keroro軍曹》,𠱁得他笑逐顏開。
40歲前生仔
黎姿表示跟小朋友做戲頗有難度,她說:「同小朋友做戲都幾難,因為佢哋好易會失控,要好畀心機帶佢哋入戲,不過我都好鍾意同小朋友合作,因為我好鍾意細路,見到佢哋好開心,所以我鍾意同小朋友做戲多過同大人。」她又表示非常喜歡小朋友,所以立志要在40歲前生小朋友,她說:「呢幾年就要衝,40歲前我一定會生,最好係生雙胞胎。」
採訪、攝影:楊潔雯
empty
有一位小朋友在現場大唱鄭嘉穎兒歌《Keroro軍曹》,逗得他開心不已。
empty
黎姿在休息期間,有少女fans趨前與她合照.十分受歡迎。