已為人母的張嘉兒將推出有關母乳的書籍，今日她在天后出席新書發佈會，首次寫書的她，透露訪問了圈中媽媽，包括曹敏莉、鍾嘉欣、劉倩婷、張美妮等：「啲人話餵人奶仲辛苦過生仔，其實唔係㗎，係同子女最溫馨嘅時刻，今次出書希望幫到大家，多啲媽媽餵人奶。」

港姐出身的張嘉兒表示不評論無綫新聞是否偏頗，但她認為藝人是無辜：「唔係佢哋報道新聞，佢哋要搵食，都係接咗個job去做，希望大家唔好針對藝人。」問到是否收到無綫行政總裁李寶安發出的內部通告？她說：「收到，睇咗，希望香港和諧啲。」提及李寶安發出內部通告中，硬撐無綫新聞是不偏不倚和中立，但卻被網民批評偏頗，變成一個拉鋸的局面，張嘉兒說：「新聞台都有好多唔同頻道，如果唔適合自己睇，可以睇第二個頻道。」

採訪：黃曉妍

------------------------------
【每周送10萬】
升級壹會員獨家尊享，立即參加10萬火急大抽獎 !
*推廣生意的競賽牌照號碼：52302-9

-------------------------------
錶迷必讀！
89頁腕時計電子書 66款嚴選年度新錶
https://hk.adai.ly/e/v7jEA0MC1X