「薑真係越老越辣！」收視一向高企的大台處境劇《愛．回家之開心速遞》昨晚又出新招，今次輪到一班甘草演員發威，75歲「熊樹根」劉丹、70歲「龍敢威」羅樂林、63歲「譚道德」陳榮峻與及68歲「馬豹」黎彼得齊齊玩Hip Hop，以耆英組合「大四喜」去參加比賽！

雖然他們個個已經超越半百，不過一身Hip Hop造型絕不輸給一眾後生仔，最初他們出戰，找來黎彼得出手，當時黎彼得說：「填詞之嘛，阿叔強項喇！」接着安排他獨自solo，全場拍爛手掌，他還說：「阿叔想當年嗰啲粵語流行曲，全部畀我改晒做咸濕歌，笑到碌地！」結果在單立文的安排下，成為「大四喜」的成員！

不過去到參賽現瑒，大會突然改賽制，要臨場用「IG」做主題即場發揮，最搞笑是他們雖然不知道「IG」是何物，但最後為了面子，頂硬上即場發揮，連現場觀眾都有戲做，個個都模仿大陸電視節目觀眾浮誇的反應。不少網民看見「Hey乜嘢叫做IG我哋唔知 我哋淨係知 企上台我哋可以」、「我哋有吉士　幾多歲都好都未會怕瘀」等等歌詞，大讚他們有創意，隨即在網上瘋傳。

《愛．回家》的收視亦不負所望，在最新一期的收視成績，以27.8點（約182萬觀眾收看）連續9周成為冠軍，繼續抛離兩套黃金劇。

《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw

《動腦Q》周末主題夜
追加星期六、日 9:30 pm
星期一至五 10:30 pm
Day Day Q the money!
https://hk.adai.ly/UkZT7poxmV