龍鑽輝煌跑法｜話留後又放頭 馬會賽後報告得個噏字
龍鑽輝煌賽後報告妙瞳
剛周日（20日）跑完第五場，戰友在群組裏狂鬧，話畀馬會老點，搞到佢中唔到「神駿馬車」搭「龍鑽輝煌」Q。
話說佢唔鍾意熱門「北極光」同「首飾大聖」排外檔，加上田草1200米較有利內叠前置，佢覺得「神駿馬車」會擺呢啲位，所以做Q膽，原本有諗過揀埋「龍鑽輝煌」，因為排二檔兼上次擺前走，但係衰在戰友功課做得足，有睇開鑼日呢匹馬跑同程輸完被問話。
當時田泰安咁講：「我認為『龍鑽輝煌』於末段未能以勁勢衝刺，可歸咎於座騎於早段及中段未能穩定走勢，因此建議馬主及練馬師在日後的賽事中，可考慮讓該駒居於較後位置競跑，以確保該駒能獲得遮擋，因覺得該駒在此騎法下於末段衝刺最佳。」
結果今次「龍鑽輝煌」換蔡明紹，兼且一樣跑1200米，上次輸完話要加程留後，點解跑起嚟完全開對面？
不過，上次「龍鑽輝煌」輸完告東尼唔知係無，定賽後報告無記低佢點樣解畫；再者，告仔擺明係對田泰安的建議抱「多謝晒」態度。
馬會其實無呃人，只是大家對小組賽後解畫「表錯情」，中伏者惟有咁講！（妙瞳）
-----------------------------
邦民日本財務急你所急，只需要一個手提電話號碼同一張身份證#就可以申請貸款。
推廣期由2020年9月1日至2020年10月31日(包括首尾兩天)
須受條款及細則約束，詳情留意邦民日本財務(香港)網頁。