唔好以為打機只係消閒娛樂，嚟緊亞運將正式列電子競技為比賽項目；NBA方面，塞爾特人前鋒哥頓希活（Gordon Hayward）都可以話係打機專家，專長「英雄聯盟」（League of Legends）呢個Game，入過職業隊，希活仲好有自信話全NBA最勁係佢，可以單手打爆勒邦占士（LeBron James）添。

原來日前LOL喺塞爾特人主場 TD Garden搞北美決賽，哥頓希活都有份撐場，不過就唔係落場打機，而係做評述，嗱，唔少NBA球星退休後都轉行做講波佬，希活就多條後路，可以講打機。