【中女回春】江欣燕離婚後有新歡 搭上「六呎伊健」
蘋果日報 2014/05/07 06:00
江欣燕
報道指江欣燕同前夫吳積遜（右圖）離婚後，已經另覓新歡。(資料圖片)- 江欣燕同前夫吳積遜，去年結束12年夫妻關係。(資料圖片)
- 有指欣欣嘅對象係「翻版鄭伊健」Kenneth。(資料圖片)
- 欣欣噚日喺微博貼咗新相，原來佢飛去加拿大工作。（微博圖片）
江欣燕（欣欣）去年與前夫吳積遜，結束咗12年夫妻關係，回復單身後嘅欣欣，獲唔少朋友撥大葵扇，幫佢搵第二春。今日就有雜誌報道指，欣欣已經有着落，新歡就係貌似鄭伊健﹑身高有六呎嘅Kenneth。
報道話欣欣一向多人追，有唔少都係筍盤添，而「翻版鄭伊健」對比起其他對手，財力唔算話好勁，據雜誌引述知情人士爆料，指Kenneth家人喺廣州做糖果生意，規模跟鉅記差唔多，而Kenneth份人好玩得，所以欣欣覺得佢同自己好夾，呢兩個月就頻頻約會。不過因為Kenneth細欣欣十年，所以欣欣都有啲顧慮。
報道就影到欣欣同Kenneth，日前去赤柱拍拖，其間Kenneth見到欣欣食雪糕，食到成嘴都係，笑佢「論盡豬」，又攞紙巾幫佢抺嘴，盡顯男士風度，難怪欣欣冧到暈。
之後佢兩個拍拖去搵餐廳繼續撐枱腳食嘢，可惜好多間都好多人，Kenneth見欣欣心情唔係咁好，即刻攬住欣欣呵番添，點都好啦，欣欣搵到新歡係好事呀﹗
報道話欣欣一向多人追，有唔少都係筍盤添，而「翻版鄭伊健」對比起其他對手，財力唔算話好勁，據雜誌引述知情人士爆料，指Kenneth家人喺廣州做糖果生意，規模跟鉅記差唔多，而Kenneth份人好玩得，所以欣欣覺得佢同自己好夾，呢兩個月就頻頻約會。不過因為Kenneth細欣欣十年，所以欣欣都有啲顧慮。
報道就影到欣欣同Kenneth，日前去赤柱拍拖，其間Kenneth見到欣欣食雪糕，食到成嘴都係，笑佢「論盡豬」，又攞紙巾幫佢抺嘴，盡顯男士風度，難怪欣欣冧到暈。
之後佢兩個拍拖去搵餐廳繼續撐枱腳食嘢，可惜好多間都好多人，Kenneth見欣欣心情唔係咁好，即刻攬住欣欣呵番添，點都好啦，欣欣搵到新歡係好事呀﹗